Ka morago ga go lekola letlakala le, o swanetše go šomana le dirutwa, o thoma ka Serutwa sa 1.
KAROLO YE E TŠEA NAKO YE KAE?
Diiri tše 5 (Metsotso ye 300)
Seswantšho ka Study_Smart
Ge Neo a šetše a atlegile go dira dikakanyo le go thala mmepe wa hlogo ya nyakišišo ya gagwe, a šomišitše le maano a maleba a go senka go humana tshedimošo ya go sepelelana le hlogo ya nyakišišo, o swanetše go kgona go diriša tshedimošo ye gabotse. Ka mantšu a mangwe, o swanetše go kgoboketša le go beakanya tshedimošo ka tsela yeo a ka e hlagišago ka tsela ya go kwešišega le go sekaseka tshedimošo ye go ya le ka khraetheriya ye itšego.
Ka morago ga go fetša karolo ye, Neo o tlo kgona go diriša maano a nyakišišo le maano a go nyaka a maleba go sererwa sa gagwe ka go asaemente ya gagwe.