Khoso ya go Bala le go Ngwala ya Tshedimošo: Serutwa 10: Methopo ya inthanete

Methopo ya motheo ya go nyaka (Google, Yahoo, Bling) e bohlokwa ge Neo a nyaka tshedimošo ya botšo goba lefelo la go thoma, eupša Neo o swanetše go hlokomela ka ge tshedimošo ya go hloka magomo e tliša kgakanego e bile motho ka mehla ga a tsebe moo tshedimošo e tšwago gona.

Ela hloko: Google ke mothopo wa go nyaka e sego mothopo wa 

Google 

• Google Scholar: Google Scholar ke mothopo wa go nyaka wo o lebelelago methopo ya dithuto fela, e tloša mafelo a boithabišo le methopo ya go se botege ka tlwaelo.
• Google Books: Google Books ke diteng tša go tlala ka dipuku. Neo a ka lebelela goba a bala karolo ya puku pele o ka e adimiša goba wa e reka. Dipuku tše dintši di ka balwa ka botlalo ka Google Books. 

Kgetho go Google

Web ye e tseneletšego e bopilwe ke didatapeisi tša diteng tšeo di tsentšwego ka gare ga web ke badiredi bao ba nyakago gore o nyake go tšwa go matlakala a gae a bona, e sego go tšwa go mafelo a go nyaka go mabaka ao a fapanego. Gopola gore Google e nyaka fela 101 KB ka gare ga websaete. Diwebsaete tše di kaone di nyaka boingwadišo, mahala goba ka tefo, e bile tše di ka se nyakiwe ka mafelo a go nyaka. Mafelo ao a hlalošago“ga gona diteng” ka go tshepedišo tša bona gape di thibela mafelo a go nyaka go tšwa go go hwetša seo se ka bitšwago tshedimošo ya boleng.

Ka gona Neo o swanetše go nyaka bjang ka gare ga web ye e tseneletšego? O swanetše go tseba gore a ye kae. Matho a mabotse ke go thoma ka go tseba mehuta ya tshedimošo yeo a ka e hwetšago mo mafelong a a latelago. Gopola gore lenaneo le ga se la mafelelo, eupša ke mathomo.

Ditaba: Ditaba le ditiragalo tša boditšhabatšhaba: CNN, BBC World 

Dipukuntšu tša Inthanete:

• Merriam-Webster online dictionaries and thesaurus: othopo wo o tshepegilego kudu.
• Cambridge free English online dictionaries: Pukuntšu ya inthanete yeo e tsebegago kudu le thesaurus ya baithuti ba Seisimane.
• MacMillan online dictionary: Pukuntšu ya mahala go tšwa go dikgatišo tša MacMillan publishers.
• Oxford dictionaries and thesaurus: Pukuntšu ya mahala ya Seisimane go tšwa go dipukuntšu tša Oxford.
• Collins English dictionary: APukuntšu ya taolo ye e feletšego kudu.

Go ngwala ga Dithuto

• Lab ya ngwala go la Purdue [http://owl.english.purdue.edu/] e na le methopo ya go ngwala ya mahala e 200 le dipuku tša go ruta tša baithuti, barutiši, le bahlahli. Go akareditšwe go dira sebopego le dipukutlhahli, thutapolelo le ditlabelo, dithuto tša inthanete, ESL, go nyaka mošomo le go ngwala ga theknikale, le nyakišišo. Go na le dikarolo tšeo di lebišitšwego go go ngwala ga mafapha a itšeng (mohl. Pego ya diteko ka go ngwala ka saekholotši) le dibopego (mohl. Go ngwala ka theto). Mafelo a a fana ka dikurufi le dipoutu tšeo di nyakegago go thoma protšeke efe goba efe ya go ngwala. 

• Senthara ya go ngwala go la University of North Carolina go la Chapel Hilll [http://writingcenter.unc.edu/handouts/]

Dijenale

• Lenaneo la Phihlelelo ye e Bulegilego la Dijenale (DOAJ) [http://www.doaj.org/]. Le thakgotšwe ka la Mei 2003, Sweden's Lund University Libraries

Head Office ke benggae ba "lefelo la go reka le tee" la lenaneo la phihlelelo ye e bulegilego, le le fanago ka phihlelelo ya go se lefelwe go

sengwalwa ka moka sa dijenale tša go feta 2,200. Dijenale tša go feta 630 di a hwetšagala go maemo a athekhele (diathekhele tša go feta 98,000

di gona) ka go disaense le tša botho/disaense tša leago, le lenaneo la yona le tšwela pele go gola.

• Lefelo la go Nyaka Dijenale la Phihlelelo ye e Butšwego (OAJSE) Phihlelelo ye e Bulegilego ya Dijenale ka mo Lefaseng (go sa akaretše India) [http://www.oajse.com/]. Mo o ka nyaka dikgatišo dife goba dife tša dijenale tša phihlelelo ye e bulegilego. E ngwadilwe go tloga go A go fihla go Z e bile e akaretša lefapha ala serutwa sefe goba sefe.