Khoso ya go Bala le go Ngwala ya Tshedimošo: Serutwa 1: Laetša nyakego ya tshedimošo

Bogela video ya Jane Secker ka ga tsebo ya tshedimošo

Mothopo:  Jane Secker

Neo o tseba gannyane ka ga sererwa sa asaemente ya gagwe.  O lemoga gore o hloka gore a tsebe go gontši kudu go feta ka tsela yeo a tsebago ka gona ga bjale ka ga sererwa sa gagwe gore a romele sengwalwa seo se kgotsofatšago. Kamogelo ye ya magareng ga seo Neo a se tsebago ka ga sererwa sa gagwe le seo go nyakegago gore a se tsebe ka ga sererwa sa gagwe, e bitšwa nyakego ya tshedimošo. Ka mantšu a mangwe, Neo o swanetše go fenya sekgoba ka go tsebo ya gagwe ka ga sererwa sa gagwe sa asaemente.

Seswantšho ka  mind the gap

Neo a ka botšiša dipotšišo tšeo di latelago go mo thuša go lemoga nyakego ya gagwe ya tshedimošo:

Seswantšho ka Studyblog

• Ke ka lebaka la eng tshedimošo e hlokega? Go sengwalwa sa nyakišišo, poledišano, polelo, pego?
• E lebišitšwe go bo mang? Go mofahloši, go baithuti ka yena?
• Ke mohuta ofe wa tshedimošo wo o tla go araba potšišo ye? Ya nnete, ya tshekatsheko, ya go se tšeye lehlakore, ya motho o tee, ya bjale, ya kgale/histori?
• Ke mohuta ofe wa mothopo wa tshedimošo? Ensaeklophidia? Puku? Athekhele ya Jenale?
• Neo o  hloka tshedimošo e kae? Asaemente ya gagwe ke e telele bjang? O swanetše go ya morago go fihla kae gore a dire nyakišišo?
• E ka ba o  hloka tshedimošo ya bjale fela?
• Neo o šetše a tseba eng ka ga sererwa?
• Neo o  hloka gore a lebelele kae tshedimošo yeo a e  hlokago? Bokgobapuku? Khataloke ya Inthanete ya Phihlelelo ya Setšhaba (OPAC), dipolokelong tša elektroniki?